श्रीज्ञानेश्वर महाराजांनी लिहिलेली प्राकृत मराठी भाषेतील ज्ञानेश्वरी ९००० (नऊ हजार ) ओव्यांची आहे. परंतु प्राकृत मराठी भाषा आता समजण्यास कठीण आहे. त्यासाठी श्रीमत् स्वामीजींनी ह्या ओव्यांचे सोप्या व प्रचलित मराठीत १६००० (सोळा हजार) ओव्या केल्या आहेत. ह्या ओव्या वाचल्यावर मूळ ज्ञानेश्वरीच्या ओव्यांचा अर्थ सहजच कळतो. ह्या ग्रंथाचे सप्ताह पारायण करता येते. पारायणाची उपासना करणाऱ्यास प.पू.स्वामीजींच्या कृपेचा प्रसाद लाभतो. ह्या ग्रंथास रुपये २००/- पर्यत खर्च होतो.परंतु भक्तांच्या सोयीसाठी ग्रंथाची किंमत पावस येथे फक्त रुपये ६०/- ठेवली आहे. इतरत्र मूल्य १०० /- रु. आहे.
श्रीमत् भगवतगीतेचा ७०० संस्कृत श्लोकांचा साकी छंदात केलेला मराठी अनुवाद म्हणजेच भावार्थ गीता. ह्यात १६१९ साक्यां आहेत. पठण करण्यासाठी आणि अर्थ कळण्यासाठी अतिशय सोप्या आहेत.
प.पू.स्वामीजींनी रचलेले हे एकूण २६१ अभंग आहेत. हे अभंग वाचताना व गाताना आपले मन भक्ती भावाने भरून येते. शिवाय नाउमेद झालेल्या मनाला नवीन चैतन्यदायी प्रेरणा लाभते. निराश मनाला ज्या श्रद्धेचा आधार लाभावा अशी इच्छा असते तो आधार पू.स्वामीजींची ह्या पुस्तकातील अभंग देतात.
श्रीज्ञानेश्वरी ग्रंथातील श्रीमत स्वामीजींनी संपादित केलेल्या निवडक १०९ ( एकशे नऊ) ओव्यांची ही छोटी पुस्तिका आहे. ह्यात श्रीज्ञानेश्वरीचे सार आहे. नित्यवाचना करिता अत्यंत उपयुक्त आहे.
श्रीज्ञानेश्वर महाराजांच्या अमृतानुभव या ग्रंथाचा श्रीस्वामीजींनी केलेला अभंगातील अनुवाद. या ग्रंथात भगवंताच्या सगुण-निर्गुण दर्शन-साक्षात्कारानंतर येणाऱ्या अनुभवाचे वर्णन आहे. सोप्या, सुलभ मराठी भाषेतील अभंगातून ते आपणास वाचावयास मिळेल.
प.पू.स्वामीजींच्या अध्यात्मिक अनुभवांनी भरलेल्या अशा १६२ साक्या असलेले हे दिव्य अमृत आहे. सन १९३५ साली सुमारे सहा महिन्यांच्या काळात श्रीमत् स्वामीजींना स्फुरलेल्या ह्या काव्यात विविध भाव व्यक्त झालेले आहेत.
श्रीमत् स्वामी स्वरूपानंदजी ह्यांनी अनुग्रहीतांना सांगितलेल्या नाथ संप्रदायाच्या सोऽहं साधनेची अचूक माहिती सांगणारे हे पुस्तक. या साधनेस श्रीमत् स्वामीजी सोऽहं भजन असे म्हणत असत. सोऽहं साधकांना उत्तम प्रकारचे मार्गदर्शन करणारे हे पुस्तक श्रीमत् स्वामीजींनी जशी सांगितली तशीच सोऽहं साधनेची पद्धत ह्या पुस्तकात दिलेली आहे.
ह्या साधनेतील प्रक्रिया, अनुग्रह इत्यादी बाबत अधिक माहितीसाठी ह्या पुस्तकाचे संपादक पावस येथील श्री. अशोकानंद रेळेकर ह्यांना त्यांच्या सोयी सवडीनुसार (चौकशी करून) समक्ष भेटता येईल.
श्रीमत् स्वामीस्वरूपानंदजींच्या गुरुपरंपरेतील दहा सिद्ध पुरुषांची अद्भूत चरित्रे सांगणारा हा ओवीबद्ध ग्रंथ आहे. अत्यंत रसाळ आणि भावपूर्ण ओव्यातून ह्या सिद्धांची अलौकीकचरित्रे ह्यात वर्णन केलेली आहेत. हा ग्रंथ इ.स.१८८३ चे सुमारास श्रीरामचंद्र महाराज तिकोटेकर ह्यांनी त्यांचे शिष्य श्रीपतिनाथ ( कोल्हापूर ) ह्यांचे कडून करवून घेतला.त्यासाठी श्रीरामचंद्र महाराज तिकोटेकर ह्यांच्या कन्या व शिष्या गोदामाई कीर्तने उर्फ योगिनी गुंडाक्का ह्यांचे मार्गदर्शन लाभले.ह्या ग्रंथाची भावभक्तीने पारायणे करणारास योग्यती अध्यात्मिक अनुभूती येते.
श्रीमत् अभंग ज्ञानेश्वरी ह्या श्रीस्वामीजी लिखित ग्रंथातील तत्वज्ञानाचे विविध दृष्टीने परीक्षण करणारे मान्यवर लेखकांचे लेख ह्या ग्रंथात आहेत. अभ्यासू व जिज्ञासू वाचकांसाठी ते फारच उपयुक्त ठरणार आहेत. ह्या लेखातून श्रीमत् अभंग ज्ञानेश्वरीचे महत्त्व आणि आवश्यकता लक्षात येते.
स्वामी सत्यदेवानंद सरस्वती ह्यांनी लिहिलेले हे पुस्तक श्रीमत् स्वामी स्वरूपानंदजींचे संक्षिप्त चरित्र असून त्याची भाषा ओघवती व रसाळ आहे.
श्री. डी.के.पांडे तथा स्वामी विद्यानंद ह्यांनी लिहिलेले प.पू.स्वामीजींचे इंग्रजी चरित्र.
स्वामींनी रचलेल्या अभंग ज्ञानेश्वरीचे संक्षिप्त रूप
प.पू.स्वामीजींचे ओवीबद्ध एकाध्यायी चरित्र
नाथसंप्रदायी सोsहं -साधनेचा मार्ग, ध्येय व स्वरूप या विषयी माहिती.
प.पू..स्वामीजींचे जीवनावरील कादंबरी स्वरूपातील चरित्र
श्रीमत् स्वामी स्वरूपानंदजी ह्यांनी अनुग्रहीतांना सांगितलेल्या नाथ संप्रदायाच्या सोऽहं साधनेची अचूक माहिती सांगणारे हे पुस्तक.
श्री ज्ञानेश्वरी नित्यपाठातील ओव्यांचे विवेचन
प.पू.स्वामी स्वरूपानंद यांच्या भक्तांच्या आठवणी ह्या पुस्तकात संग्रहित केल्या आहेत.
आत्मप्रभा या पुस्तकात श्री गजानन महाराज गुप्ते ह्यांनी सोsहं साधने विषयी विस्तृत निरुपण केले आहे. आत्मप्रभा बोध-गुटिका मधील सर्व मजकूर श्री गजानन महाराजांचाच आहे. श्री महाराजांच्या सोsहं अमृतौषधीच्या ह्या एकूण शंभर बोध-गुटिका आहेत.
स्वामी स्वरूपानंद यांचे गोष्टीरूप चरित्र शालेय मुलांना समोर ठेऊन त्यांना आवडेल व समजेल अश्या सोप्या शब्दात लिहिले आहे.
आजची पूजा
प्रातः समृद्ध पूजा
सायं समृद्ध पूजा